ცქრიალა ღვინო დიდი ხანია რაც ასოცირდება დღესასწაულთან, ელეგანტურობასთან და მეღვინეობის ხელოვნებასთან. ცქრიალა ღვინის დღევანდელი სახე მრავალწლოვანი ტრადიციებისა და თანამედროვე ტექნოლოგიების გაერთიანების შედეგია. დროთა განმავლობაში, ცქრიალა ღვინის დამზადების განსხვავებული ტრადიციები და ტექნოლოგიები ჩამოყალიბდა.
ტრადიციულიმეთოდები: ცქრიალაღვინისსაფუძველი
ცქრიალა ღვინის წარმოება მე-17 საუკუნიდან იწყება, რაც მინის ბოთლის გაჩენას უკავშირდება. საფრანგეთის შამპანის რეგიონი ყველაზე ცნობილია ტრადიციული მეთოდით ცქრიალა ღვინის წარმოებაში, რომელიც méthode champenoise-ს სახელით არის ცნობილი.
ტრადიციული მეთოდი მოიცავს რამდენიმე მნიშვნელოვან ეტაპს:
- პირველადიფერმენტაცია: ღვინის წარმოება იწყება ყურძნის წვენის ალკოჰოლური დუღილით, რათა მივიღოთ „წყნარი ღვინო“, რომელიც წარმოადგენს ცქრიალა ღვინის ბაზას. წყნარ ღინოში ნახშირორჟანგის შემცველობა 3გ/ლ-ზე ნაკლებია და მას არ აქვს ცქრიალა ღვინისთვის დამახასიათებელი სიშუშხუნე.
- მეორადიფერმენტაცია: ცქრიალა ღვინოში „ბუშტუკების“ წარმოქმნა სწორედ მეორეული ფერმენტაციის დროს ხდება. უკვე მიღებულ ღვინის ბაზას ემატება შაქრის და საფუვრის მცირე დოზა, ცნობილი როგორც "liqueur de tirage". ბოთლში დაწყებული მეორეული დუღილის დასრულების შემდეგ, თანაპროდუქტის სახით გამოიყოფა ალკოჰოლი და ნახშირორჟანგი, რომელიც რჩება ღვინოში გაჯერებული სახით და გვაძლევს ცქრიალა ღვინისთვის დამახასიათებელ სიშუშხუნეს.
- ლექზედავარგება: მეორეული ალკოჰოლური დუღილის დასრულების შემდგომ საფუვრები განიცდიან „ავტოლიზს“, რის შედეგადაც ღვინოში ლექის სახით რჩება საფუვრის შემადგენელი ორგანული ნაერთები, რომლებიც ღვინოს მატებენ პურეულისა და თხილეულის არომატს. ღვინის, ბოთლში ლექზე დავარგება გრძელდება რამდენიმე თვის ან წლის განმავლობაშიც კი, რაც აძლევს ტრადიციული მეთოდით დამზადებულ ცქრიალა ღვინოს მისთვის დამახასიათებელ არომატებსა და სტრუქტურას, კომლექსურობასა და სიმდიდრესთან ერთად.
- რემუაჟიდადეგორჟაჟი: ბოთლში, ლექსზე დავარგების პერიოდში ბოთლები გადიან რემუაჟის პროცესს, რაც გულისხმობს ბოთლების ჰორიზონტალური მდგომერეობიდან ვერტიკალურ პოზიციაში გადასვლას, რათა ლექი ბოთლის ყელში შეგროვდეს. ბოთლის ყელში ლექის მოგროვების შემდეგ ხდება ყელის ჩაყინვა და ლექის დეგორჟაჟი ანუ გამოიდევნა. დეგორჟაჟის პროცესში მნიშვნელოვანია ბოთლიდან მინიმალური ღვინის დანაკარგი და მაქსიმალურად ლექისგან თავისუფალი სითხე გვქონდეს. საბოლოოდ, ნაკლულ დეგორჟირებულ ბოთლს შაქრის და ღვინის დოზა (liqueur d'expédition) ემატება, რათა მიღებულ ცქრიალა ღვინოს სასურველი შაქრიანობის დოზა ქონდეს და, ასევე, ნაკლული ბოთლი საჭირო დონემდე შეივსო.
თანამედროვეინოვაციები: ხარისხისადაეფექტურობისგაუმჯობესება
მიუხედავად იმისა, რომ ტრადიციული მეთოდები მეღვინეობაში კვლავ დიდი პოპულარობით სარგებლოს, თანამედროვე ტექნოლოგიებმა მნიშვნელოვანი პროგრესი შეიტანა ღვინის წარმოებაში. მეღვინეობაში გაჩენილმა ახალმა მიდგომება გააუმჯობესა, ზოგადად, ღვინის ხარისხი, სტაბილურობა და, ასევე, ეფექტური წარმოების პროცესი. აღნიშნული ფაქტორები კი განაპირობებს ცქრიალა ღვინის მეტად ხელმისაწვდომ ღირებულებას გლობალური ბაზარზე.
1. ტემპერატურისკონტროლი
ღვინის წარმოებაში მნიშვნელოვანია ფერმენტაციის ტემპერატურის სათანადო კონტროლი. ავზებში ტემპერატურის კონტროლის მეშვეობით შესაძლებელი გახდა ფერმენტაციის პროცესის მართვა, რაც უზრუნველყოფს პროცესის ერთგვაროვან და სტაბილურ მიმდინარეობას.
2. ავტომატიზირებულირემუაჟი
ტრადიციული რემუაჟი შრომატევადი პროცესია, რომელსაც მომზადებული მუშახელი სჭირდება. ცქრიალა ღვინის მოთხოვნის ზრდასთან ერთად საჭირო გახდა რემუაჟის პროცესის ავტომატიზირება გიროპალეტის მეშვეობით, რომელიც წარმოადგენს სპეციალურ დანადგარს.
3. რეზერვუარულიმეთოდი (შარმატისმეთოდი)
შარმატის მეთოდის დროს მეორეული დუღილი ბოთლის მაგივრად დიდი ზომის ავზებში ხდება. შარმატის მეთოდი მე-20 საუკუნის დასაწყისში განვითარდა. ბოთლური მეთოდისაგან განსხვავებით, წნევაგამძლე ავზებში ჩატარებული მეორეული დუღილი გაცილებით უფრო ეფექტურია, როგორც წარმოების, ასევე, ხარჯის მხრივ, რაც შარმატის მეთოდით დაყენებული ცქრიალა ღვინის ხელმისაწვდომობას განაპირებს.
შარმატის მეთოდი გამოიყენება პროსეკოს და სხვადასხვა ადგილწარმოშობის ცქრიალა ღვინის წარმოებისთვის, სადაც მთავარი მიზანი ხალისიანი, ცინცხალი და ხილის არომატებით მდიდარი ღვინის მიღებაა.
ცქრიალაღვინისტექნოლოგიისმომავალი
ცქრიალა ღვინის ტექნოლოგია მუდმივად ვითარდება. ახალი ტექნოლოგიებისა და მეთოდების დანერგვა მიზნად ისახავს ხარისხისა და ეფექტურობის გაუმჯობესებას.
